404 Not Found

جلست تفيدة بجوار زوجها رمضان يشاهدان مباراة كرة قدم، تجمع بين الفريقين اللذين يشجعانهما، وكانت قد أحضرت بعض أنواع التسالى المفضلة لهما من لب وفول سودانى وترمس، وأخذت تفيدة تثير غضب رمضان بهتافها ضد فريقه الذى يشجعه وتقول له: «إحنا اللى هنكسب وهتشوف.. انت معندكمش حد بيعرف يلعب أصلا».

حكاية رمضان وتفيدة

تسبب دفاع تفيدة عن فريقها الكروى فى إثارة غضب رمضان، الذى رد عليها مدافعا عن فريقه وقال: «إزاى وإحنا اللى غلبناكم 4 صفر، وماحدش فيكم عرف يدخل جول واحد».

واشتدت المناقشة والجدال بين تفيدة ورمضان حول فريقهما، ومن أفضل فريق وأفضل أداء، حتى بدأ رمضان فى تكسير بعض قطع الأثاث معلنا عن غضبه، وكذلك عبرت تفيدة أيضا عن غضبها من دفاع رمضان عن فريقه واتجاهه لتكسير قطع الأثاث دفاعا عنهم، حتى قال رمضان لتفيدة: «بقولك إيه يا تفيدة.. لو ماسكتيش وبطلتى هتبقى ط…»، وتوقف رمضان وهو يشعر بالصدمة من غضبه الشديد، الذى دفعه للدفاع عن فريقه الكروى لدرجة أن ينفصل عن زوجته وعشرة عمره.

حكاية جديدة من رمضان وتفيدة

قال لتفيدة وهو يشعر بالأسف والحزن: «أنا آسف يا تفيدة.. أنا مش عارف إزاى وصلنا لكده.. المفروض مانبقاش متعصبين بالشكل ده وإحنا بنشجع أى لعبة، ونتحكم فى أعصابنا أكتر من كده.. أنا آسف يا تفيدة وحقك عليا، وأوعدك مش هعمل كده تانى ولا هزعلك أبدا».

لترد عليه تفيدة وعيناها مليئة بالدموع وهى تعاتب رمضان وقالت: «آخر حاجة كنت أتوقعها إنك تعمل كده يا رمضان.. بس أنا عارفة إنك قلبك أبيض وماتقصدش كده.. بس فعلا المفروض تشجيعنا للعبة مايوصلناش لكده تانى».

رمضان وتفيدة

ليرد رمضان وهو راسم الابتسامة على وجهه وقال: «أوعدك يا تفيدة مش هيحصل تانى أبدا، وإحنا أتعلمنا من اللى حصل كفاية الحاجات اللى اتكسرت، واللى أوعدك إنى هصلحها فى أقرب وقت.. صافى يا لبن يا تفيدة»، لترد عليه وهى مبتسمة: «حليب يا قشطة يا أبوصيام».

كانت تفيدة منغمسة فى غسل الملابس التى كانت ترتبها على «منشر الغسيل»، حسب ألوانها المتناسقة، وكأنها ترسم لوحة فنية من بنات أفكارها، وتفتخر أمام الجيران بنظافة ملابسها، ولكن كانت تضعه مبللا لدرجة أن الماء كانت تتساقط على ملابس جيرانها بالدور السفلى، ولكن كالعادة لم تبال تفيدة بأمرهم.

حكايات رمضان وتفيدة 

وبينما كانت تفيدة تنشر الملابس على «منشر الغسيل»، خرجت فتحية جارتها لشرفة شقتها لتتفاجأ بسقوط الماء على ملابسها كما لو كانت ماء مطر شديد، مما أغضبها وأخذت تعبر عن غضبها بالصراخ قائلة: «يا عالم حرام عليكم.. أنا لسه ناشرة الغسيل إمبارح وخلاص كنت هلمه فجأة اتبل تانى.. أعمل إيه أنا دلوقتى.. تفيدة».

حكايات رمضان وتفيدة

خرجت تفيدة على صراخ فتحية التى أخذت تنادى عليها حتى ترد، وقالت لها: «فيه إيه يا فتحية.. مالك بتزعقى ليه؟!»، لترد عليها فتحية: «مش عارفة فيه إيه يا تفيدة.. حرام عليكى غسيلك غرق غسيلى مايه.. أعمل إيه أنا دلوقتى؟!».

لترد تفيدة بحماس لتدافع عن نفسها قائلة: «وأنا أعمل إيه يا فتحية.. انتى غلطانة المفروض تشيلى غسيلك بعد ما نشف».

وأخذ الاثنان يتبادلان الاتهامات حتى جاء زوج تفيدة من العمل، ودخل مسرعا عليها وقال لها: «فيه إيه يا تفيدة بتزعقى مع الجيران ليه؟».

حكايات رمضان وتفيدة

لترد تفيدة وهى تدافع عن نفسها قائلة: «يا سيدى فتحية ناشرة الغسيل من إمبارح ومش عايزة تشيله وزعلانة إنى نشرت الغسيل مبلول عليها».

وشعر رمضان بالحرج من فعل تفيدة مع جارتهما فتحية، وشعر بالحيرة كيف يعتذر لجارتهما وقال: «معلش يا ست فتحية.. أنا متأسف ليكى انتى عندك حق كان لازم تفيدة تقولك إنها هتنشر عشان تلمى الغسيل، وما يتعرضش للمايه دى كلها».

اعتذار رمضان جعل فتحية تهدأ وتقبلته وقالت: «حصل خير يا أستاذ رمضان.. إحنا جيران».

ودخلت فتحية شقتها بينما كانت تفيدة تتوعد وتشيط غضبا من فعل رمضان وقالت له: «إيه اللى انت عملته ده.. أحرجتنى قدام فتحية ونصرتها عليا»، ليرد عليها محاولا تهدئتها قائلا: «يا تفيدة انتى غلطانة، ترضى حد يعمل فى غسيلك كده زى ما عملتى مع فتحية؟».

شعرت تفيدة بالحرج من زوجها وقالت: «عندك حق يا رمضان بس ماكنش ينفع تحرجنى قدامها»، أمسك رمضان يد زوجته محاولا تهدئتها وقال: «أنا ماينفعش أحرجك قدام حد يا تفيدة انتى مراتى حبيبتى.. أنا كبرتك قدام فتحية باعترافى بغلطك واعتذارى ليها.. اللى بيعترف بغلطه غير المقصود ده كبير المقام مش صغير.. فهمتى يا تفيدة»، لترد عليه وهى مبتسمة: «فهمت يا رمضان».

كانت تفيدة تغسل ملابس زوجها رمضان، ولكنها أخطأت وأضافت الكثير من الزهرة التى حولت القميص الأبيض المميز بالنسبة لرمضان والذى يعتبره القطعة الرسمية لملابسه التى يحضر بها أهم المناسبات، وأدركت على الفور تفيدة حجم الكارثة التى ارتكبتها دون قصد.

وسارعت تفيدة إلى انتشال القميص وغمرته فى الماء وأخذت تستبدل الماء بين الحين والآخر لعلها تتخلص من اللون الأزرق الذى انتشر فى القميص، ولكن دون جدوى، وفكرت فى أن الحل هو إخفاء القميص عن أنظار رمضان حتى لا يراه ويعاقبها على ما اقترفته من خطأ.

وعندما عاد رمضان إلى منزله بعد يوم عمل شاق، وكان يتناول الغداء مع تفيدة، سألها عن القميص الأبيض فقالت له: «القميص الأبيض.. مش عارفة فين!.. هدور لك عليه بعد الأكل».

وشعرت تفيدة بالخوف من رد فعل رمضان عندما يدرك المصيبة التى ارتكبتها وهى صبغ قميصه المفضل له بالزهرة، ولكنها حاولت أن تتظاهر بأنها لا تعلم مكان القميص وأخذت تبحث داخل الدولاب، وقال لها رمضان: «إيه يا تفيدة.. القميص فين؟».

فكرت تفيدة فى حيلة حتى لا يتشاجر معها رمضان وقالت له: «أه أفتكرت.. القميص أنا أعطيته لصبحى المكوجى ولحد دلوقتى مارجعهوش».

حكايات رمضان وتفيدة 

غضب رمضان لما سمعه وأسرع إلى صبحى وسأله عن القميص وأجاب بالنفى مؤكدا له أنه لم يره، فاعتقد رمضان أن صبحى سرقه وتشاجر معه، وتشابكا بالأيدى وكانت تفيدة تتابع المشكلة التى تسببت فيها بسبب كذبتها التى اعتقدت أنها بسيطة، ووجدت أنه لا مفر من مواجهة عواقب كذبها، ونادت بأعلى صوتها على رمضان زوجها وقالت: «يا رمضان.. أنا لقيت القميص»، وشعر رمضان بالحرج من صبحى واعتذر له، وتقبل صبحى اعتذاره ثم صعد رمضان لمنزله وواجهته زوجته بحقيقة الأمر، وقالت: «أنا وشى منك فى الأرض.. أنا أسفة إنى كذبت وليك عليا هشترى لك قميص غيره».

ليرد عليها رمضان: «ليه كده يا تفيدة تسبينى أتهم الراجل بالسرقة وأتخانق معاه بسبب كدبتك.. الكدبة بسيطة أو كبيرة هى كدبة وبتسبب مشاكل وكوارث، لو كنتى قولتيلى من الأول كنت هسامحك وماكنش حصل اللى حصل».

لترد عليه تفيدة: «حقك عليا خلاص مش هعمل كده تانى».. ليرد عليها رمضان وهو يشعر بالسعادة لإدراك زوجته لخطأها «خلاص سماح يا تفيدة».

حكايات رمضان وتفيدة 

جلست تفيدة تتناول وجبة الغداء المكونة من أرز وصينية بطاطس بقطع الدجاج بجانب سلطة خضراء مع زوجها رمضان، على أنغام أغنية «فكرونى» لكوكب الشرق أم كلثوم، وسرحت تفيدة مع كلمات الأغنية وتنهدت وقالت لرمضان: «فاكر يارمضان.. فاكر أيام خطوبتنا لما كنا بنسمع أنا وأنت أم كلثوم وإحنا بنتمشى على النيل وبناكل ترمس ودرة مشوى».

أسند رمضان ظهره على مقعد الطاولة الجالس عليها، وقال وهو يتذكر أجمل ذكرياته مع تفيدة: «آآه يا تفيدة.. كانت أحلى أيام، ولا فاكرة لما كنا بنتفسح فى الأهرامات ونركب حنطور».

وردت تفيدة وقالت: «آه فاكرة.. وفاكرة كمان أيام ما كنت بتوعد وتوفى بوعدك.. لكن دلوقتى خلاص بقيت تنسى».

شعر رمضان بالغضب من اتهام تفيدة له بمخالفة وعده لها، وقال: «أنا يا تفيدة.. أنا بخلف وعدى ليكى إزاى بقى؟!.. قوليلى وعد أنا وعدتك بيه ومانفذتهوش».

لترد تفيدة بكل حماس وتقول: «أوى.. أوى يا رمضان.. فاكر اللمبة المحروقة اللى أنت قولتلى الشهر اللى فات إنك هتركب غيرها وكل مرة تقولى بكره وبكره.. وبكره ده مش بيجى خالص.. وبعدين مش أنت دايما اللى بتقول إن لازم ما دام وعدت بحاجة توفى بوعدك حتى لو على رقبتك.. فين بقى تنفيذك لوعدك بتركيب لمبة جديدة يا رمضان».

شعر رمضان بالإحراج من تفيدة، ونظر إليها وقال: «عندك حق يا تفيدة.. غلبتينى المرة دى.. ليكى عليا بكره إن شاء الله هركب لمبة جديدة بدل اللى اتحرقت».

لترد تفيدة بحماس على زوجها رمضان، وتقول: «لا لا.. أنا اتعلمت خلاص أنا اشتريت لمبة جديدة إمبارح ودى اللى هتركبها لينا دلوقتى عشان ماتنساش».

شعر رمضان بأن تفيدة وضعته أمام الأمر الواقع وقال: «ماشى يا تفيدة.. هركبها حالا دلوقتى».

كانت تفيدة جالسة مع زوجها رمضان الساعة الثامنة مساء، يشاهدان التليفزيون، بينما وهما منجذبان للفيلم، كانت إحدى القطط تموء بصوت عالى مزعج، حتى إنه أزعج تفيدة ورمضان، وقال: «إيه ده.. إيه الصوت المزعج ده؟!!»، لترد زوجته عليه قائلة: «مش عارفة هقوم أشوف كده».

حكايات رمضان وتفيدة

قامت تفيدة وفتحت باب الشقة، ووجدت القطة مصابة وتموء من شعورها بالألم، وصاحت تفيدة تأمر القطة بالانصراف من أمام باب شقتها، وقالت: «هش.. هش بقولك.. مش ناقصين صداع إحنا».

ولفت صوت تفيدة انتباه زوجها رمضان، الذى سأل عن سبب صراخها، فقالت: «يا سيدى القطة متعورة وقاعدة قدام باب الشقة، بقولها تهش مش عايزة تمشى وعاملة لنا إزعاج».

رمضان وتفيدة وقطة السلم

انزعج رمضان من رد فعل زوجته تجاه القطة المريضة، وقال لها: «حرام عليكى يا تفيدة.. دى قطة لا حول لها ولا قوة.. حرام تمشيها من قدام البيت.. لازم نكرمها ونعالجها كمان».

تعجبت تفيدة من رد فعل زوجها رمضان وقالت له: «ليه إن شاء الله؟!».

ليرد عليها زوجها: «لأن ببساطة ديننا وأخلاقنا أمرونا بكده يا تفيدة.. لازم نهتم بالحيوانات ونراعيهم، وكمان ده من باب الإنسانية يا تفيدة».

حكايات رمضان وتفيدة وقطة السلم

شعرت تفيدة بالإحراج من زوجها رمضان، وقالت: «عندك حق يا رمضان.. خلاص أنا عندى شاش وميكركروم نعالج بيه جرحها وشوية لبن تشربهم».

شعر رمضان بالسعادة من رد فعل زوجته وقال لها: «الله عليكى يا تفيدة وعلى طيبة قلبك، برافو عليكى يلا هاتى الحاجات دى عشان نعالجها، وبكرة الصبح آخدها لدكتور بيطرى يعالجها».

وذهبت تفيدة وجاءت بالإسعافات الأولية اللازمة لعلاج القطة من جرحها، وأعطتها اللبن وقطعة خبز لتأكلها، وشعرت القطة بالسعادة والاطمئنان.

بدأ حفل خطوبة نوال، وأخذت تفيدة تشارك فى توزيع الحلوى على المدعوين وتزغرد فرحا بالخطوبة، ثم وقفت لتشاهد وتتابع الحفل وتشجع المشاركات فى الرقص والغناء بالتصفيق، ثم بدأت تلاحظ حماة نوال وشعرت بالقلق منها وذهبت لنوال لتهمس فى أذنها وتحذرها من حماتها، قائلة: «بت يا نوال.. أنا حاسة إن حماتك دى مش سهلة أبدا.. شوفى ماشية تأمر وتنهى إزاى.. شكلها هى اللى بتأمر وتنهى.. الله يكون فى عونك»، ثم تركت تفيده نوال وذهبت.

حكاية رمضان وتفيدة

شعرت نوال بالغيظ من أفعال حماتها، واشتعلت غضبا وقالت لعريسها: «شايف والدتك بتتحكم فى الفرح إزاى؟! تعجب عريس نوال من سؤالها وقال لها: «والدتى؟!.. حرام عليكى.. الست فرحانة وبتلف على المعازيم تشوفهم محتاجين إيه بس كده».

وإزداد غضب نوال وقالت له: «والله مش بتصدقنى من أولها.. يبقى فعلا أنت هتمشى بكلامها بعد كده.. دى إشارة على أن جوازنا مش هيكمل»، وزادت حدة النقاش بين العروسين، وامتد للتشاجر بالأيدى بين العائلتين، وأخذت تفيده تهدئهم وتحاول أن تصلح بينهم.

خناقة حماة نوال وحل رمضان الذكى

وذهب رمضان لتفيده وقال لها: «مش عارف ليه ياتفيده.. حاسس إنك السبب فى اللى حصل ده»، لترد عليه مدافعة عن نفسها قائلة: «أنا أبدا.. كل اللى قلته إن مش عجبنى رد فعل حماة نوال وإنها بتلف على المعازيم بالشكل ده وكده معناه إنها هتتحكم فيها بعد الجواز».

غضب رمضان من رد تفيده وقال لها: «فيه حد يقول كده يا تفيده يوم الخطوبة.. أهو الفرح باظ أهو مبسوطة كده»، ثم حاول رمضان إصلاح ما أفسدته زوجته قائلا: «يا جماعة هدوا أعصابكوا بس.. إيه اللى حصل لكل ده».

خناقة بحفل خطوبة نوال

ساد الصمت المكان واستمعوا لرمضان الذى أخذ يقول مقنعا العائلتين: «ده شيطان ودخل بينكم.. أهدوا كده.. وبلاش تبوظوا الليلة الحلوة دى اللى أنتوا مستنينها من زمان.. وتبوظوا فرحة نوال وخطيبها»، واقتنع الحضور بحديث رمضان واستمر الحفل وانتهى على خير.

وبعد انتهاء حفل الخطوبة، قال رمضان لزوجته تفيده: «شوفتى بقى ياتفيده.. تتدخلى فى اللى مالكيش فيه وتتتسبى فى مشاكل بين نوال وعريسها»، شعرت تفيده بالندم وقالت لرمضان: «أنا آسفة يا رمضان.. أنت عندك حق.. وأوعدك مش هاكررها تانى أبدا».

وللإطلاع على الحكايات السابقة من حكايات رمضان وتفيدة اضغظ هنا

ارتدت تفيدة الملابس المناسبة لزيارة حسين جارها، ثم أحضرت بعض الحلوى من التى اشترتها لخطبة ابنة خالتها نوال واستعدت لزيارة حسين وزوجته، ثم قالت لزوجها رمضان: «يلا يا رمضان أنا مستعدة أهو وجهزت طبق الحلويات عشان نزور حسين ونطمن عليه قبل الفرح».

حلوى خطوبة نوال

وأسرع رمضان ليرد على زوجته قائلا: «خلاص يا تفيدة.. بجهز أهو»، وارتدى رمضان ملابسه واستعد لزيارة جاره حسين واصطحب زوجته معه، وذهبا إلى جارهما ودخلا شقة حسين، ورحبت بهما زوجة حسين، واطمأنت تفيدة ورمضان على حالته الصحية وقالت تفيدة: «حسين عامل إيه دلوقتى.. أنا سمعت إن العملية دى خطيرة ومفيش حد بيعدى منها بسهولة كده»، وشعر رمضان بالإحراج من حديث تفيدة ليبادر بإصلاح خطأها قائلا: «لا.. لا.. تفيدة تقصد إن الحمد لله إن حسين قام بالسلامة من العملية وربنا يطمنكوا عليه يا رب.. نقدر نشوفه دلوقتى».

حلوى خطوبة نوال وزيارة عم حسين

لترد زوجة حسين: «حاضر هدخل أقوله»، وانتهز رمضان فرصة دخول زوجة حسين لزوجها لتخبره بحضورهما، وقال لزوجته: «إيه اللى انتى بتقوليه ده يا تفيدة حرام عليكى بدل ما تطمنيها بترعبيها».

وتعجبت تفيدة من رد فعل رمضان، وقالت له: «هو أنا غلطت فى إيه يعنى!.. ما هى دى الحقيقة».

ليرد رمضان على زوجته قائلا: «فى الحالات اللى زى دى يا تفيدة بنقول كلمة حلوة نطمن بيها أهل المريض، مش نرعبهم لأن مش من ديننا ولا أخلاقنا يا تفيدة، أرجوكى قولى كلام حلو يطمن الراجل ده مريض».

رمضان وتفيده يزوران عم حسين

شعرت تفيدة بالإحراج من فعلتها كالعادة، وبادرت بالاعتذار لزوجها وقالت: «عندك حق يا رمضان.. احنا ندخل دلوقتى نطمن على الراجل وليك عليا مش هقول كلمة وحشة أبدا».

وبالفعل سمعت تفيدة نصيحة زوجها وزارت معه جارهما المريض، واطمأنا الثنائى على حسين المريض على صحته، ووعدوه بأنهما لن يشغلا الأغانى بالحفل بصوت عالٍ وأعطوه الحلوى.

جلست تفيدة بشرفة منزلها كعادتها اليومية، فعندما تنتهى من ترتيب المنزل وتنظيفه جيدا، تحضر كوب الشاى وتجلس تشاهد المارة وتتابع أحوال جيرانها، ولكن هذه المرة كانت معها جارتها أم عبير، وأخذ الثنائى تتابعان جارتهما أم أسماء التى جاءت على التو من السوق حاملة الخضراوات، وقالت أم عبير: “شوفى أهى بوقها كبير وعينيها طالعة لبرا تخوف، ومع ذلك جوزها بيموت فيها”.

ترد عليها تفيدة قائلة: “آه يا ختى يا حسرة علينا.. زى القمر واجوازتنا مش طايقنا”.

وأكملت أم عبير حديثها قائلة: «حظوظ، لأ وكمان اشترى ليها شاليه فى العجمى السنة اللى فاتت، وخدها من أسبوع رحلة لأقصر وأسوان، وأنا جوزى مش بيودينى غير زيارة لوالدته بس».

حكايات رمضان وتفيدة

تنهدت تفيدة وردت عليها قائلة: «بس يا أم عبير ماتقلبيش المواجع خلينى ساكتة»، ودخل عليهما رمضان الذى فزعهما بوجوده، شعرت أم عبير وتفيدة بالحرج منه، فانصرفت أم عبير قائلة: «خلاص يا تفيدة.. أنا همشى بقى وأسيبك دلوقتى ويبقى نكمل كلامنا بعدين»، لترد عليها تفيدة: «ماشى يا حبيبتى سلام».

جلس رمضان أمام تفيدة التى شعرت بالحرج منه وسألته قائلة: «هو أنت موجود من أمتى يا رمضان؟»، فأجابها: «من ساعة ما اتكلمتوا على جارتنا».

شعرت تفيدة بالحرج الشديد من رمضان، وقالت له: «إحنا كنا بنتسامر مش أكتر»، ليرد رمضان عليها وهو يشعر بالغضب منها قائلا: «بتتسامروا بسيرة الناس يا تفيدة والتنمر عليهم.. مش عارفة إن ده حرام وإن ديننا مانعنا نسخر من خلقة ربنا، وإن الناس كلها سواسية عند الخالق عز وجل، وكمان يا تفيدة هو أنا حرمتك من حاجة علشان تبصى لغيرك، وتحسديهم بالشكل ده».

تفيدة وجارتها أم عبير

شعرت تفيدة بالحرج من زوجها رمضان، وقالت له: «عندك حق يا رمضان، أوعدك مش هيتكرر تانى، وهرضى باللى قسمه ربنا، وبعدين يا رمضان انت عارف أنا مبسوطة بحياتى معاك قد إيه وعمرى ما اشتكيت، وأوعدك مش هتنمر على حد تانى أبدا».

شعر رمضان بالسعادة لتفهم تفيدة وجهة نظره، وقال لها: «ماشى يا تفيدة.. سماح المرة دى».

اعتادت تفيدة أن تتصفح مواقع التواصل الاجتماعى كل يوم، ولفت نظرها إعلان بصفحة طبية عن عرض للحصول على شفتين تشبهان شفتى أنجلينا جولى، بتخفيض يصل إلى 50 %، مما دفع تفيدة للاهتمام بالإعلان، والتواصل مع الصفحة، والاتفاق معهم على إجراء عملية التجميل، وحدثت نفسها فقالت: «حلوة أوى ورخيصة جدا.. هتبقى مفاجأة حلوة أوى لرمضان».

جمعت تفيدة النقود وسارعت للذهاب إلى عيادة التجميل دون إخبار زوجها بالأمر، وأجرت العملية، ولكنها فوجئت عند ذهابها للمنزل وتأملها لوجهها فى المرآة، بأن شفتيها أصبحتا منتفخة أكثر من الحجم الطبيعى، مما تسبب فى جعل وجهها يبدو قبيحا.

حكاية شفايف إنجلينا جولى والكمامة

شعرت تفيدة بالفزع عند النظر للمرآة وصرخت قائلة: «يالهوى..ده رمضان هيتخانق معايا ويبهدلنى أعمل إيه.. أنا هلبس كمامة وأقوله إنى عندى برد لحد ما شفايفى تنزل».

وبالفعل ارتدت تفيدة الكمامة لتخفى شفتيها بعد فشل عملية التجميل، وعندما عاد رمضان من العمل تعجب من ارتدائها قناع الوجه وسألها: «إيه يا تفيدة.. مالك لابسة كمامة ليه؟»، فأجابته تفيدة قائلة وهى تشعر بالخجل منه: «أبدا يا رمضان.. صحيت الصبح لقيت نفسى عندى برد جامد خوفت أعديك فقولت ألبس كمامة».

رد رمضان عليها قائلا: «لا سلامتك ألف سلامة.. طب روحتى للدكتور؟»، فأجابته تفيدة: «آه روحت، وقالى البسى الكمامة طول ما أنتى قاعدة فى البيت».

تعجب رمضان من رد تفيدة، وأخذ يتأمل وجهها فلاحظ وجود انتفاج بشفتيها، وسألها قائلا: «بس شفايفك مالها وارمة كده ليه النهاردة؟!»، شعرت تفيدة بأن أمرها سوف ينكشف، فأدارت وجهها عن رمضان وقالت له: «وارمة إيه بس.. لا وارمة ولا حاجة.. انت بيتهيألك».

رمضان وتفيده

شعر رمضان بأن زوجته قد فعلت مصيبة كعادتها، فقال لها: «اقلعى الكمامة يا تفيدة»، رفضت تفيدة طلب زوجها وأصرت على إخفاء وجهها وقالت: «لا يا رمضان.. مش هقلع حاجة»، وأصر رمضان على طلبه، ومد يده وخلع الكمامة من على وجه تفيدة ليفاجأ بشفتيها المنتفختين، وشعر بالفزع وقال لها: «إيه ده!!.. إيه اللى حصل يا تفيدة».

شعرت تفيدة بالتوتر وقالت له: «هقولك يا رمضان بس أوعدنى إنك ما تتعصبش»، وتحدثت تفيدة لرمضان عن عملية التجميل الفاشلة التى أجرتها فى الصباح لتفاجئه، فعاتبها رمضان عما فعلته قائلا: «يا تفيدة مش إعلان على الفيس بوك تصدقيه، لازم تتأكدى الأول من الإعلان، وعلى العموم حصل خير، وبكره إن شاء الله أخدك عند دكتور يقولنا نعمل إيه فى المصيبة دى عشان نحلها»، لترد عليه تفيدة وهى تشعر بالطمأنينة قائلة: «حاضر يا رمضان وأوعدك هسمع كلامك المرة دى»، ليرد عليها رمضان قائلا: «أتمنى تصدقى المرة دى يا تفيدة».